Ätiýaçlandyryşyň obýekti – Işgärleriň durmuşyna we saglygyna iş ýerindäki hadysa ýa-da kesgitlemeli keseller sebäpli ýetirilen zyýany kompensirlemeli bolmagy bilen baglanyşykly Zähmetçi/Ätiýaçlandyrylan adamyň bähbitleri.

Ätiýaçlandyrylan waka – Işgärleriň raýat jogapkärçiligini gönükdirilen hoşniýetli ätiýaçlandyryşda ätiýaçlandyrylan waka, Zähmetçi/Ätiýaçlandyrylan adamyň iş ýerindäki hadsa ýa-da kesgitlemeli keseller sebäpli işgärleriň durmuşyna we saglygyna ýetiren zyýany üçin jogapkärçilik ýagdaýynyň ýüze çykmagydyr.

Ätiýaçlandyrylan waka ýüze çykan halatynda, Ätiýaçlandyrylan adam ätiýaçlandyryjydan ylalaşykly ätiýaçlandyryş möçberini (ätiýaçlandyryş kompensasiýasy) talap etmäge hem-de ätiýaçlandyryş şertnamasynda ýa-da Türkmenistanyň kanunçylygyna laýyklykda berlen beýleki borçlaryň ýerine ýetirilmegini talap etmäge hukugy bar, ätiýaçlandyryjynyň hem degişli borjy bolýar.

Ätiýaçlandyrylan wakanyň ýüze çykandygy degişli resminamalar we ygtybarlylygyna şübhe ýok maglumatlar, kazyýetleriň, derňew we beýleki edaralaryň çözgütleri bilen, zerur bolsa ekspert pikiri esasynda kesgitlenýär.

Durmuş, saglyk, iş ukyby we beýleki şahsy bähbitler bilen baglanyşykly ätiýaçlandyryş şertnamalarynda ätiýaçlandyryş möçberi Ätiýaçlandyrylan adam bilen ätiýaçlandyryjy arasyndaky ylalaşyk esasynda kesgitlenýär.