Modul binalar zawod şertlerinde taýýarlanylýan blok-konteýnerlerden gurlup, olar doly taýýar göwrümli gurluş elementleridir. Blok-konteýnerleriň ýokary derejede taýýar bolmagy sebäpli, konteýner görnüşli modul binanyň gurnamasy birnäçe günüň içinde amala aşyrylýar.
Blok-konteýnerler birmeňzeş berkidiji we birleşdiriji elementler bilen üpjün edilýär, bu bolsa olary uzynlygyna we ini boýunça birleşdirmäge, şeýle hem birnäçe gat görnüşinde gurmaga mümkinçilik berýär.
Blok-konteýnerleriň taslamalaşdyrylmagynda modul binanyň inžener ulgamlaryny birleşdirmek mümkinçiligi üpjün edilýär: elektrik üpjünçiligi, ýyladyş, suw üpjünçiligi, kanalizasiýa, howalandyrma we beýleki ulgamlary geçirmek göz öňünde tutulýar.
Ýygnalyp-sökülýän mobil modul binalar zerur bolan ýagdaýynda aýry-aýry blok-konteýnerlere sökülip, başga ýere daşalyp we gysga wagtyň içinde ähli inžener ulgamlary bilen doly taýýar bina hökmünde täzeden gurnalyp bilýär.