Howa gämileriniň we dikuçarlaryň ýolagçylaryny hem-de uçarmanlaryny betbagtçylyk hadysalaryna garşy ätiýaçlandyryş

Ätiýaçlandyryjy – Türkmenistanyň kanunçylygyna laýyklykda ätiýaçlandyryş şertnamasynyň tarapydyr, ätiýaçlandyryş tölegini (ätiýaçlandyryş primi) töläp, ätiýaçlandyryş obýekti boýunça ätiýaçlandyryş gyzyklanmasy bolan fiziki ýa-da hukuk ýagdaýyndaky şahs.

Ätiýaçlandyryşyň obýekti – ýolagçylaryň we uçarmanlaryň howa gämisiniň ýa-da dikuçaryň (başga bir uçýan enjamyň) içinde bolýan wagtynda, şeýle hem onuň içine münende ýa-da çykanda ýüze çykýan betbagtçylyk netijesinde olaryň ýaşaýşy we saglygy bilen baglanyşykly şahsy bähbitlerdir.

Ätiýaçlandyrylanlar bu Düzgünleriň esasynda – howa ulaglarynyň ýolagçylary we uçarmanlary bolup durýar.