Biziň kärhanamyz «Hoşniýetli dostlar» hojalyk jemgyýeti 2019-njy ýylyň 22-nji iýulynda esaslandyryldy we 2023-nji ýylyň ikinji ýarymynda süýji-köke (konditer) önümleriniň önümçiligine başlady.
«Hoşniýetli dostlar» hojalyk jemgyýeti özüniň agzybir we hünärmen işgärleri bilen gysga wagtyň içinde «Jadyly däne» söwda markasy astynda öndürilýän ýokary hilli, ekologiýa taýdan arassa we elýeterli konditer önümleri bilen döwletimiziň — Türkmenistanyň ähli künjeklerinde özüni tanatmagy başardy we halkyň söýgüsini gazandy.
Kärhanamyzda dünýä standartlaryna laýyk gelýän, doly awomatlaşdyrylan we döwrebap daşary ýurt enjamlary bilen enjamlaşdyrylan iki sany uly önümçilik sehleri bar:
Birinji sehte: Gantly, uwan (gury) we gatlakly kökeleriň görnüşleri öndürilýär.
Ikinji sehte: Taýajyk we ýassyjak görnüşli wafli önümleri öndürilýär.
Häzirki wagtda kärhanamyzda kökeleriň we wafli önümleriniň onlarça görnüşi öndürilýär. Geljekde kompaniýamyzyň maksady önümleriň görnüşlerini köpeltmek we «Jadyly däne» önümlerini dünýäniň her bir künjeginde görmekdir. Şeýle hem, geljekde önümçiligimizi giňeltmegi, öndürilýän önümleriň möçberini we görnüşlerini has-da artdyrmagy maksat edinýäris.
