Mizemez Gadam
Önümçilik we senagat
Biziň missiýamyz — gurluşyk we binalaryň ulanylyşy boýunça müşderilerimize ýokary hilli, uzakmöhletleýin hem-de ekologiýa taýdan arassa önümleri hödürlemek arkaly ygtybarly hyzmatdaş bolmakdan ybaratdyr. Biz işewürlik proseslerimiziň her bir tapgyrynda hil meselelerine, müşderi kanagatlanmagyna we durnukly ösüşe aýratyn üns berýäris. Önümçiligimizi yzygiderli kämilleşdirýäris, döwrebap tehnologiýalary yzarlap durýarys hem-de işgärlerimize maýa goýmak arkaly kadrlarymyzyň mümkinçiliklerini berkitýäris. “Mizemez Gadam” kompaniýasy hökmünde biziň maksadymyz diňe işewür hyzmatdaşlarymyzyň däl, eýsem jemgyýetiň hem ynamyny gazanmakdyr. Biz jemgyýete we daşky gurşawa bolan jogapkärçiligimizi duýup, şol jogapkärçiligiň talaplaryna laýyklykda hereket edýäris.
MERTEBELI ZAHMET
Önümçilik we senagat
“Mertebeli Zähmet” BOPP plýonkasynyň, gurluşyk materiallarynyň, dürli görnüşli izogamlaryň, izolýasiýa mastikasynyň, bitumyň we PET-iň öňdebaryjy lomaý satuwçysy bolup, ony pudakda öňdebaryjy kompaniýa öwürýär. Mundan başga-da, ýokary hilli önümleri we berk hyzmatdaşlygy sebäpli kompaniýa bazarda ygtybarly üpjün ediji hökmünde abraý gazandy. Hünärmenler topary müşderileriň isleglerini kanagatlandyrmak we olara iň gowy çözgütleri hödürlemek üçin her gün işleýär. Şeýlelik bilen, “Mertebeli Zähmet” ygtybarly we ýokary hilli önümleri hödürleýän aýrylmaz hyzmatdaşdyr.
Çaly hususy kärhanasy
Önümçilik we senagat
“Çaly” hususy kärhanasy 2007-nji ýylda Aşgabat şäherinde esaslandyryldy. Kompaniýany esaslandyryjy Türkmenistanyň raýaty Möwlam Çalyýew. “Çaly” Türkmenistanda gurluşyk harytlary öndürýän hususy we häzirki zaman kompaniýadyr. 2007-nji ýyldan bäri “Çaly” hususy kärhanasy Ýumşak basyrgylykly suwdan goraýan gidroizalýasiýa materialy "Izogam” hemde bitumly Mastikasyny öndürýär. “Çaly" hususy kärhanasynda bar bolan laboratoriýanyň kömegi bilen diňe önümleriň hiline berk gözegçilik edilmän, eýsem hünärmenler hem Türkmenistanyň gurluşyk bazarynda we daşary ýurtlarda jedelsiz isleg bildirilýän önümleriň geljegi uly görnüşlerini ösdürmek işleri bilen meşgullanýarlar. Bitum-emulsiýa mastik ARMAT we "Suwuk rezin" polimer önümleri we onuň esasynda döredilen "GARANT" germetigi muňa aýdyň mysal bolup biler. Bu adaty izogamyň ornuny tutýan we has giň goşundylara eýe bolan ýokary tehnologiýaly gidroizolýasiýa: - howa çalşygy, kondisioner we lagym ulgamlaryndaky bogunlary germetiklemek (silikona meňzeş); - diwarda giňelen ýerlerini doldurmak; - asfalt bölekleýin bejergi; - howuzlary we beýleki suw howdanlaryny izolýasiýa; - metaldan, betondan we agaçdan ýasalan poslama garşy örtük; - awtoulag jisimlerine we düýbüne sesden, tozandan, poslama we ş.m. goramak. Mastikany sepmek bilen ulanmak diňe bir gidroizolýasiýa örtügini 5-10 esse çaltlaşdyrman, eýsem islendik tarapa kyn ýerlere: çatryklar, eňňitler, çöketlikler we ş.m. girmäge mümkinçilik berer. Şeýle hem, ulanylyş aňsatlygy üçin, gymmat bahaly import edilýän silikona meňzeş turbalarda GARANT germetigini öndürmek meýilleşdirilýär. Mastik suwuk görnüşde ýasalýar we iş ýagdaýyna getirmek üçin ýylylygy talap etmeýär. Suw esasynda döredilen önüm ekologiýa taýdan arassa. Kompozisiýada bar bolan SBS-polimerler diňe bir önümiň häsiýetlerini ep-esli ýokarlandyrman, eýsem ýokary hilliligi sebäpli hyzmat möhletini 25 ýyla çenli uzaldýar. "ARMAT", "Suwuk rezin" mastiki we "GARANT" germetiginiň ähli tehniki görkezijileri GOST-yň talaplaryndan ep-esli ýokarydyr: ýelim güýji - 9 kgf, ýylylyga garşylyk - 105 0С-den az däl, ýarylmaga garşylyk - 15 0С. Ýokary ýelmeşme hatda daşlary birleşdirmäge mümkinçilik berýär.
Derwaýys
Önümçilik we senagat
“Derwaýys” hususy kärhanasy ýokary hilli gurluşyk harytlary bolan bitum mastikasynyň, kafel ýeliminiň we izogamyň önümçiligini alyp barýar. Kärhanada öndürilýän izogamyň birnäçe görnüşi bolup, olar klassiki, folgaly we daşly görnüşlerinden ybaratdyr. Olaryň galyňlygy 2.0 mm-den 5.0 mm çenli bolup, rulon görnüşinde öndürilýär. Öndürilýän izogamyň her bir rulonynyň meýdany 10 inedördül metre deňdir. Gurluşyk serişdelerini öndürmäge ýöriteleşen bu kärhanada önümçiligiň depgini barha ýokarlanýar. Daşary ýurtlaryň öňdebaryjy tehnologiýalary bilen üpjün edilen kärhana aýda müňlerçe tonna önüm öndürmek kuwwatyna eýedir. Bu ýerde ýaşlaryň onlarçasy yhlasly zähmet çekýär. Kärhanada önüm öndürmek üçin gerekli çig mallaryň esasy bölegi Türkmenbaşydaky nebiti gaýtadan işleýän zawodlar toplumyndan alynýar. Döwrebap kärhana gysga wagtyň içinde ýokary hilli önümleri bilen halkara bazara çykmagy başardy. Bu ýerde öndürilýän önümler içerki we daşarky bazarlarda ýokary islegden peýdalanylýar. Häzirki wagtda “Derwaýys” hususy kärhanasy öndürýän önümlerini diňe bir içerki bazara ibermek bilen çäklenmän, eýsem, Türkiýä, Gruziýa, Özbegistana, Owganystana we Täjigistana eksport edýär. Şeýle hem bu kärhana gelejekde öz öndüren önümlerini Ýewropa ýurtlaryna eksport etmegi meýilleşdirýär.
Berk Gerden
Önümçilik we senagat
Berk Gerden – bitum-polimer esasly rulon görnüşli suw izolýasiýa materiallaryny (APP/SBS modifisirlenen) öndürmäge ýörelgeleşen kompaniýadyr. Biziň önümlerimiz şu ýerlerde ulanylýar: ýaşaýyş we senagat jaýlarynyň üçeklerinde, fundamentlerde we diwarlarda, podwallerde we ýerasty desgalarda, howuzlarda we suw ammarlarynda. Biz müşderilerimize ýokary hilli, berk we halkara standartlaryna laýyk önümler bilen uzak möhletli goragy hödürleýäris.
Intago Gazagystan
Önümçilik we senagat
Intago Kazakhstan kompaniýasy Gazagystan Respublikasynda geosintetik materiallaryň öňdebaryjy öndürijisi we üpjün edijisidir. Täze zawodymyzyň 2024-nji ýylda işe girizilmeginden bäri biz geotekstil önümçiligine ýöriteleşýäris. Önümçiligimiz “Intatex” hususy söwda nyşany astynda, halkara hil standartlaryna laýyk gelýän ýokary tehnologiýaly enjamlarda amala aşyrylýar. Biz Gazagystanyň gurluşyk pudagyndaky iri kompaniýalary we daşary ýurtly müşderileri goşmak bilen, 1000-den gowrak müşderiniň ynamyny gazanandygymyza buýsanýarys. Kompaniýamyzyň önümleri ýol gurluşygynda, senagat we raýat gurluşygynda, şeýle hem oba hojalygynda ulanylýan geotekstil we beýleki geosintetik materiallary öz içine alýar.